“Məndən aldığı pulları Ramiz Mehdiyevə verib”
Keçmiş hakim Həsən Əliyevə qarşı dələduzluq etmiş sabiq prokuror Mirələkbər Seyidovla bağlı maraqlı faktlar üzə çıxıb.
KİV xəbər verir ki, Bakı Ağır Cinayətlər Məhkəməsində keçirilən məhkəmə prosesində M.Seyidov dostu H.Əliyevdən aldığı 200 min dolları Prezident Administrasiyasının keçmiş rəhbəri Ramiz Mehdiyevə verdiyini deyib.
İttihama görə, Mirələkbər Seyidov Binəqədi rayon prokuroru olduğu müddətdə Həsən Əliyevə onun məhkəmə sədri təyin olunacağına kömək edəcəyi barədə yalan vəd verərək 200 min dollar pul alıb. H.Əliyev aldadıldığını anlayandan sonra M.Seyidovdan şikayət edib. M.Seyidov isə ona bildirib ki, aldığı pulları Ramiz Mehdiyevə verib və işi o həll edəcək.
Fotoda keçmiş hakim Həsən Əliyevdir
H.Əliyev ifadəsində M.Seyidovun rayon prokuroru təyin edilməsinə görə ona inandığını deyib: “Lakin bir müddət sonra o işdən çıxarıldı və barəsində cinayət işi başlanıldı. 2014-cü ildə isə məni sərəncama verdilər və barəmdə cinayət işi açıldı. 2015-ci ilin 1 aprel tarixində Gəncə Ağır Cinayətlər Məhkəməsi tərəfindən həbs edildim və 7 il həbs cəzası aldım.
Gəncə şəhərində 2 saylı İstintaq Təcridxanasında saxlanıldığım vaxt oğlum Mirələkbərlə yanıma gəldi. Mirələkbər ona kimi məndən aldığı pulun 100 min dollarını geri qaytarmışdı. O, təcridxanaya gəlib mənə səbrli olmağımı, pulumu qaytaracağını, həbsdən azad olunmağıma kömək olacağını bildirdi. Lakin hər dəfə bəhanələr gətirirdi. 2020-ci ilin 1 aprel tarixində azadlığa çıxdım. Yenə Mirələkbərlə əlaqə saxlayıb pulumu tələb etdim. Mirələkbər nə mənim pulumu qaytardı, nə də ki, pulu verdiyini dediyi şəxslərdən də istəməyə getdi. 2022-ci ilin fevral-mart aylarında 100 000 ABŞ dolları məbləğində pulun geri qaytarılması məqsədilə Mirələkbərlə Nəsimi rayonu ərazisində yerləşən “Koala” parkda görüşdüm. Pulumu tələb edərkən, Mirələkbər məndən aldığı pulları həmin vaxt Prezident Administrasiyasının rəhbəri vəzifəsində işləmiş Ramiz Mehdiyevə verdiyini, hazırda pulları R.Mehdiyevdən ala bilmədiyi üçün qaytara bilmədiyini bildirdi. Həmin vaxt Mirələkbərin dediklərini telefonla qeydə aldım”.
Telefonla qeydə alınmış bir sıra danışıqlar cinayət işində sübut kimi qiymətləndirilib. Mirələkbər Seyidovun Həsən Əliyevin oğlu ilə danışığında qarşı tərəfi Ramiz Mehdiyevlə hədələməsi məlum olub: “Gəlib kabinetdə mənə pul verib, danışmışam “200 manat” filankəsə pul vermişəm, sonra geri gəlib deyib ki, yox, mənim imkanım yoxdur. 100 manat da pulunu qaytarmışam. Qoy getsin şikayət eləsin, mənə də 7 il iş versinlər, Telman Mehdiyevə də, Ramiz Mehdiyevə də ittiham versinlər”.
Fotoda sabiq hakim Həsən Əliyev
M.Seyidov pulu Moskvada verdiyini bildirib.
Qeyd edək ki, Bakı Ağır Cinayətlər Məhkəməsində tərəflərin barışması, dəymiş ziyanın ödənilməsi bildirilib və H.Əliyev keçmiş prokurordan şikayətçi olmayıb. Mirələkbər Seyidova sınaq müddəti təyin edilməklə şərti cəza verilib
P.S.
Məhkəmə çəkişməsi zamanı bir daha aydın olur ki, sabiq prokuror M.Ələkbərov Ramiz Mehdiyevin adamı kimi, etibarlı nümayəndəsi kimi vəzifə təyinatları üçün müxtəlif adamlardan pul yığmaqla məşğul olub. Və kimsə etriaz edərdisə dərhal o adamı cidi cəza gözləyirdi. Biz Həsən Əliyevi uzun müddətdir ki, yaxından tanıyırıq. O sadə bir fəhlə ailəsində anadan olmuşdur. Rusiyanın Perm şəhərində hüquq fakultəsini bitirib bir müddət Rusiya Federasiyasında müstəntiq kimi işləmişdir. 1990-cı ildən Azərbaycana, doğma yurdu Naxçıvana qayıtmış və prokurorluqda müstəntiq işləmişdir. 1996-cı ildən Bakının Nizami rayonunda müstəntiq kimi işini davam etdirmişdir. Sonralar Binəqədi rayon məhkəməsinin sədri və son işi yeri Bakı Ağır Cinayətlər Məhkəməsinin hakimi vəzifəsində 2015-ci ilə qədər çalışmışdır. Sadə və savadlı olsa da vəzifə pillələrində yüksəlməyi xoşlayan adamdır. Bəli, M.Seydovla 5 il Binəqədi rayonunda qonşu binalarda işləmişlər. Amma işinin düzəlməsi üçün səbri çatmadığından verdiyi 200000 manatı geri istəmişdir. Həngamə də bundan sonra başlamışdır. Ortalığa atılmış fiqurlardan olan Ramazan adlı birisi guya ona hansısa vəzifə üçün pul verdiyini iddia edərək ondan şikayət etmişdir. Vəkil Məmmədov Adəm də bu məsləni sifariş əsasında ictimailəşdirmişdir. "Azadlıq" qəzetində Həsən Əliyev barəsində qondarma yazı getdikdən sonra biz Həsənə məlumat verdik ki, sizin barənizdə nəsə xoşagəlməz planlar həyata keçə bilər. O inanmadı. Çünki güvəndiyi adamlara, tanıdığı dost tanışa çox arxalanırdı. Aradan bir neçə gün keçdikdən sonra Ədliyyə naziri cənab Fikrət Məmmədov təcili müşavirə toplayaraq hakim Həsən Əliyevin hakimlikdən kənarlaşdırılması barədə qərar qəbul edir. Yəni, bu səviyyədə hakimin cəzalanması onun göstəricisidir ki, əmr Prezident Administrasiyasından verilmişdir və dərhal icra olunmalı idi. Sonrakı proseslər ictimaiyyətimizə məlumdur. Azərbaycan hakimi ilk dəfə 7 il dələduzluq maddəsi üzrə cəzaya məhkum edilir. Buiz həbsxanada H.Əliyevlə görüçdükdəo çox nikbin idi. Və güvəndiyi adamlardan söhbət də açdı. Ki, vaxtlar vardı mən hansısa ziyafət məclislərinə geçikəndə orada iştirak edən vəzifə sahiblərinin heç biri məndən izinsiz çörəyə əl uzatmadan mənim gəlişimi gözləyərdilər. İndi isə adi bir telefon açmağa cəsarətləri çatmır. Budur, Həsən əliyev yenə də sübut etdi ki, ona qarşı sifarişi kim verib və kim şər-böhtanla cəzalandırıb. İndi də savadlı bir hüquqşünas kimi öz sözünü dedi və sifarişçini də ( RAMİZ MEHDİYEVİ) icraçını da ( M.SEYİDOVU) məhkəmədə ifşa etdi. Və dəymiş ziyanı ödətdirdi. Amma nədənsə bu gün də hakimlər nə sirrdirsə R.Mehdiyevin gölgəsindən belə qorxuya düşüb, onun törətdiyi cinayətlər barəsində xüsusi qəradad çıxarmağa özlərində cürət tapa bilmirlər və yaxud Moskvanın icazəsini gözləyirlər.
İFADETV.COM-un araşdırma qrupu
