AZƏRBAYCANDA MƏHKƏMƏ HAKİMİ RÜŞVƏT ALIBMIŞ
Baş Prokurorluğun Korrupsiyaya Qarşı Baş Mübarizə İdarəsi tərəfindən saxlanılan Bərdə Rayon Məhkəməsinin hakimi Elsun Məmmədov cinayət məsuliyyətinə cəlb edilib.
Gununsesi.info-nun məlumatına görə, istintaq orqanı tərəfindən verilən vəsatətə uyğun olaraq, Binəqədi Rayon Məhkəməsi hakim Elsun Məmmədov barəsində polis nəzarətinə verilməsinə dair qətimkan tədbiri seçilib.
Məlumata görə, hakim icraatında olan mülki işdə tərəflərin birindən rüşvət almaqda ittiham edilir.
Binəqədi Rayon Məhkəməsi E.Məmmədovun nüfuzunu, bəlli yaşayış yerinin olmasını və digər əsasları nəzərə alaraq onun haqda həbs qətimkan tədbiri seçməyib.
Qeyd edək ki, adıçəkilən hakimin saxlanılması barədə ilk xəbəri Gununsesi.info yazıb.
Afət Abbasova
