Oğuzun Calut kəndinin 30 nəfərə yaxın sakini bələdiyyə sədri Adil İsmayılovdanartıq neçənci dəfədir ki, şikayətçi düşüblər.
Təxminən 10 gün öncə narazı sakinlərin dövri mətbuata verdikləri məlumatlarda deyirlər ki, illər öncə bələdiyyədən torpaq alıblar və xeyli pul ödəyiblər. Amma bir neçə ildir ki, həmin torpaqlara sənəd verilmir: "Bizə demişdilər ki, torpağın sənədləri 3 aya, ən geci 6 aya sizə təhvil veriləcək. Amma artıq 6 ildən çoxdur ki, bu söz havada qalıb”.
Sakinlər etiraf edirlər ki, 2017-ci ildən bəri həmin torpaqlara görə, 40-a yaxın insandan külli miqdarda pul alınıb və mənimsənilib.
Bələdiyyə sədri Adil Şükürov isə öz növbəsindəillərdir ki, problem həll olunacaq deyə camaatı yola verir: "Adil Şükürov sənəd tələb edənlərə deyir ki, Nazirlər Kabinetindən satış üçün icazə ala bilmirəm. Gah bizə sənədi təmin edəcəyini deyir, gah da çıxış yolu deyir ki, yığışıb məni məhkəməyə verin. Mən də sizin şikayətlərinizi əlimdə rəhbər tutaraq Nazirlər Kabinetinə müraciət edim, işin ciddiyyətini nəzərə alıb işi sürətləndirsinlər. Bunu da yalandan edir və sonra aradan çıxır".
Şükürov Adil Həsənbala oğlu
"Bizdə olan məlumata görə, Adil Şükürov qanunsuz şəkildə, yalan vədlərlə aldığı pulları mənimsəyib, həmin məbləğdən dövlətə aid olan rüsumu ödəməyib, ona görə də torpaq üçün satış icazəsi ala bilmir", - sakinlər belə deyiblər.
Sakinləri isə narahat edən odur ki, Adil Şükürov bu il keçiriləcək bələdiyyə seçkilərindən seçilə bilməyəcək və verdikləri pullar batacaq, çünki yeni sədr məsuliyyəti Adil Şükürovun üstünə ata bilər
Vəziyyətin ciddiliyindən narahat olan sakinlər onu da qeyd edir ki, onlar hər dəfə sədrdən torpaq sənədi, ən azından bir parça kağız tələb edəndə Adil Şükürov müxtəlif bəhanələr gətirir: "Bizi əmin edir ki, narahat olmayın, siz gedib bünövrə qoyub ev tikin, yaşayın rahat, sizi kimsə oradan çıxara bilməz. Əksinə, nazirlik məcbur qalıb sizin torpaqların satışı üçün proseduru sürətləndirəcək və s. boş boş nağıllar".
Calut bələdiyyəsinin sədri Adil Şükürov isə "Arqument.az"a deyib ki, sakinlərin torpaq problemi ilə bağlı Nazirlər Kabinetinə müraciət edib, bununla bağlı sərəncam da hazırdır, lakin sənədlərin verilməsi gecikdiririlir.
Bələdiyyə sədri Adil Şükürov
"Bu, bizdən asılı məsələ deyil. Nazirlər Kabinetinin qərarı var, nazir də sərəncam imzalayıb. Biz də bütün sənədləri təqdim etmişik və 5 ildir ki, cavab gözləyirik. Bizə bəlli olmayan səbəbdən sənədlərin verilməsi gecikdirilir. Çalışırıq ki, problemi həll edək", - deyə o qeyd edib.
Bələdiyyə sədri sakinlərin ona külli miqdarda pul verdikləri ilə bağlı iddialarını bölüşmür. O deyir ki, bu torpaqlara görə heç kəsdən pul almayıb: "Müraciət ediblər, mən də sənədləri göndərmişəm. Pul almamışam. Belə bir iddia doğru deyil".
Sakinlər isə bələdiyyə sədrinin yalan danışdığını deyirlər və onların əlində pul verdikləri ilə bağlı sübutların olduğunu vurğulayıblar.
Calud kəndində 125 hektar yaşayış, 30 hektar bağ-əkin, 325 hektar isə örüş-meşə sahəsi var.
Oğuz rayonunun Calut kəndinin 2000-ə yaxın sakinindən 47 nəfər ev tikmək məqsədilə bələdiyyəyə müraciət edib.
Məslənin nə dərəcədə doğru düzgün olub olmamasını araşdırmaq üçün yenə də Calut kənd sakinlərilə əlaqə saxladıq. Adının çəkilməsini istəməyən sakin bildirdi ki, yerli bələdiyyə sədri özünə və arxasındakı məmurlara çox arxayındır və 5 ildir ki, bu məslənin çözülməsi üçün onun qapısını günaşırı təşrif buyuran sakinlərə də eyni vəd verərək “ get ay batandan sonra gəl” deyərək yola salır. Sakinlərimiz də dəflərlə yuxarı orqan olan Oğuz rayon İcra Hakimiyyətinin başçısı cənab Qurbanov Eyvazın qəbullarında olublar. Amma bu qəbulların heç bir faydası olmayıb. Sanki icra başçısı qulaq xəstəliyindən sakinlərin dediklərini eşitmirmiş kimi davranır. Adilin də deyilənə görə Nəqliyyat Və Yüksən Texnologiyalar İnnovasiyalar Nazirliyində nazir müavini postu tutan qohumu Cavid Qurbanova arxalandığı bildirlir. Yoxsa ki, bu qədər şikayəti vecinə alamamsının digər bir önəmli səbəbi ola bilməz. O da məlum oldu ki, yerli bələdiyyə sədri yaxınlıqdakı Bayan kəndi ətrafında olan örüş – meşə fondu torpaqlarını da qanunsuz olaraq zəbt edərək uzun müddətdir ki, taxıl əkini ilə məşul olur. Yəni, sakinlərdən topladığı pulların hansı biznesə yatırıldığı aydın olur. Digər tərəfdən o da məlum oldu ki, elə örüş sahəsinin bir tərəfində cənab A.İsmayılov oğlunun adından 30200 manat məbləğində smeta dəyəri olan bir stadion da istifadəyə verib. Amma görünən odur ki, bu stadionda nə bir dəmir borulardan quraşdırılan futbol qapıları, nə də bir basketbol üçün səbətli dirəklər var. Sadəcə bir ərazinin ətrafına ucuzvarı dəmir setkadan çəpərləndiyinin şahidi olmaq olar. Nəticəyə gəlirik ki, bələdiyyə büdcəsinə toplanan pulları cənab bələdiyyə sədri stadion tikmək adı altında konkret olaraq mənimsəmişdir. Necə ki, 30 nəfər vətəndaşdan sənəd verəcəyi adı altında alıb mənimsədiyi pullar kimi.
Amma sakinklərdən fərqli olaraq onu da dəqiqləşdirdik ki, cənab İsmayılov bu ilin dekabrına təyin olunmuş növbəti bələdiyyə seçkilərində yenə “qalib” gəlməyi düşünür. Və çox arxayındır.
Redaksiya olaraq düşünürük ki, yerli İcra Hakimiyyətindən fərqli olaraq Calut kənd Bələdiyyəsinin sədri cənab Adil İsmayılovun son 5 illik fəaliyyətinə hüquq-mühafizə orqanları və Ədliyyə Nazirliyinin Bələdiyyələrlə İş Mərkəzinin müdiri cənab Rəhman Məmmədovun şəxsi nəzarəti altında hüquqi qiyməti veriləcək və vətəndaşlara dəymiş külli-miqdarda ziyan tezliklə onlara qaytarılacaqdır.
İFADETV.COM-un araşdırma qrupu
