Şəkildə gördüyünüz bu körpü Şəki rayonunun Baş Göynük kəndində, “Şin”çayı üzərində yerləşir. Yalnız 95 ildən sonra çay üzərində inşa edilmiş bu körpu 2004-cü ildən istismara verilmişdir. Şəki rayonun Baş Göynük kənd sakinlərindən 430 nəfərin imzaladığı müraciət Çernobıl veteranı Məmmədov Aqil Sabir oğlu Prezident İlham Əliyevə,Birincı Vitse-prezident Mehriban xanım Əliyevaya unvanlanmış, bir surətini də İfadetv.com onlayn İnformasiya Agentliyinin elektron poçtuna göndərilmişdir. Aqıl Məmmədov sözügedən müraciətində yazır:
Çox hörmətli Prezident və Mehriban xanım!
Bəri başdan, bir daha Sizlərə minnətdarlığımızı bildirmək istəyirik ona görə ki, 2004-cü ildə şəxsi göstərişiniz sayəsində Azərbaycanın ən dağıdıcı dağ çayı hesab olunan “Şin çayı” üzərində uzunluğu 144 m olan körpü inşa etdirdiniz. Nəticədə 20000 insan bu körpüdən istifadə edir. Lakin çox təəssüf edirik ki, körpünün keyfiyyəti zəif olduğundan yarasız vəziyyətə düşmüşdür.
Sizdən çox xahiş edirik “Şin çayı” üzərindəki körpünün yenidən qurulması və əsaslı təmiri üçün aidiyyatı orqanlara göstəriş verəsiniz. Əvvəlcədən minnətdarlığımızı bildiririk.
QEYD: 04 iyul 2019-cu ildə Şəki RİH-də Prezident Administrasiyasının zona üzrə kuratoru ilə vətəndaşların keçirdiyi görüşdə “Şin çayı” üzərindəki körpünün yararsız olması və əsaslı təmir edilməsinin cənab Prezidentə çatdırılması da xahiş edilmişdir.
İfadetv.com
