""Azəriqaz" İB-nin BRQİD -nin rəisi vəzifəsinə təsdiqlənən Zamin Mehrəliyev səlahiyyətlərini aşaraq, çox böyük özbaşınalıqlara yol verir".
Mia.az xəbər verir ki, bu sözləri Hüquqlarının Müdafiəsi Komitəsinin sədri Mirvari Qəhrəmanlının sosial media hesabındakı paylaşıma Şəfaqət Babayeva yazıb.
O bildirib ki, Z.Mehrəliyev özünə yaxın diplomsuz və savadsız şəxsləri heç bir imtahan və ya müsabiqədən keçirmədən yeni yaradılan İdarəyə ən yüksək vəzifələrə ərizələr yazdırır: "Bu barədə Prezidentə qədər məlumat göndərməyimə baxmayaraq, Zamin Mehrəliyev SOCAR-ın şikayət və ərizələri cavablandıran M.Quliyevi adlı işçini belə satın alıb. M.Quliyev Z.Mehrəliyevdən sübutlarla belə yazılan şikayətləri tək bir cümlə ilə "Yazılanlar öz əksini tapmamışdır", - deyə cavab verir...".
Əhməd Rəhmanov adlı "Azərqaz"ın daha bir işçisi isə qanunsuzluqlarıla bağlı prokurorluğa şikayət edib: "Mən qurumdakı qanunsuz attestasiya oyunu ilə baglı Baş Prokurorluğa müraciət etmişəm. Faktdır ki, əgər bu sadə imtahan məsələsi olsaydı, RQİD- in rəhbərliyi saxtakarlığa əl atmazdı. Baxın, şəxsən mən attestasiyadan rəsmi imtina ərizəsi yazmışam. Lakin dünən (ötən həftənin 5-ci günü - Mia.az) mənə bildirdilər ki, guya mən imtahanda olmuşam və kafi qiymət almışam. Gülməlidir, deyilmi?!
Eynilə Nəsimi rayonunda işləyən 40 ilin işçisi imtahana getməyə-getməyə adı imtahan verənlər siyahısında cıxlb. Guya suallara da pis cavab verdiyindən pensiyaya çıxmasına 2 ay qalması nəzərə alınaraq başqa rayona, özü də növbəli iş rejimi ilə yox ha, 8 saatlıq iş rejiminə keçməyə şəxsən təkid edib".
Əhməd Rəhmanov "Azəriqaz"ın bu komediyasının Əmək Məcəlləsi ilə daban-dabana zidd olduğunu iddia edib: "Bu, birbaşa ƏM-nin 56 maddəsinin pozulmasıdır".
Bəhruz Əkbərov adlı şəxs isə deyir ki, o, 104 xidmətində cilingər vəzifəsində çalışıb: "Mənə də bildiriş gəlib ki, ştatın ixtisara düşüb. Salyan RQİİ yə getdim, izahat verıən olmadı. Ümidmiz məhkəməyə qalıb"
Qeyd edək ki, Mia.az-a göndəriln bu və ya digər məzmunlu şikayətlərin ard-arası kəsilmir.
Neftçilərin Hüquqlarını Müdafiə Təşkilatından isə bildirilib ki, baş verənlər qanunsuzdur: "Təcrübə və işçilərin müraciətlər də təsdiq edir ki, bir çox idarə və məsələlərdə İşəgötürənlər işçilərə qarşı Əmək Məcəlləsinin tələblərinə əsalanmırlar. Xüsusən də işçilərin imtahan, attestasiya, müsabiqə, müsahibə, test və ya biliklərin yoxlanılması və sair məsələlər üzrə bu özünü qabarıq göstərir.
Halbuki, işçilərin attestasiya, imtahan, müsabiqə, müsahibə, test, biliklərin yoxlanılması və sair proseslərdə Azərbaycan Respublikası Əmək Məcəlləsinin hər hansı bir maddəsinə əsaslanma yoxdusa, bu, qanunsuzdur. Bu əmri və ya prosesi həyata keçirənlər isə məsuliyyət daşıyır...".
Mia.az
